ಮೋಸದ ನಗು


ಆಕೆಯದು
ಎಂದೂ ಮಾಸದ ನಗು,
ಅದಕೆ ಹೃದಯ ಕಳೆದುಕೊಂಡು
ಊನರಾದವರೆಷ್ಟೋ,
ಮಾತು ಕಳೆದುಕೊಂಡು
ಮೌನವಾದವರೆಷ್ಟೋ,
ಅದು,
ಮಾಸದ ನಗುವಲ್ಲ ಮೋಸದ ನಗು

ನಾನು ಮಾತ್ರ
ಒಲ್ಲದ ಕಲ್ಲಾಗಿದ್ದೇನೆ,
ಯಾರ ಸೊಲ್ಲಿಗೂ
ಝಲ್ಲೆನ್ನದ ಮನಸಿನವನಾಗಿದ್ದೇನೆ
ಅದು ಮಾಸದ ನಗುವಲ್ಲ
ವಿಷ ಸೂಸುವ ನಗು,
ಆರದ ಗಾಯವನಿಕ್ಕಿ
ಮಜ ನೋಡುತಿಹ ಮೋಸದ ನಗು

ಕಪ್ಪಿಕ್ಕಿದ ಮೋಡ
ಮಳೆ ಸುರಿಸದೇ
ಭುವಿಯ ಬಿಕ್ಕಳಿಸ ಬಿಡುವಂತೆ,
ಚೂರಿ ಇಕ್ಕಿ
ಜೀವ ಕಕ್ಕಿಸಿದ ನಗು.
ಸಾಯುತಿದ್ದವರ
ಕೆಕ್ಕರಿಸಿಕೊಂಡು
ನೋಡುತಿದ್ದ ಮೋಸದಾ ನಗು
-ಪ್ರವರ

Comments

  1. mosada naguvina bagegina nimma kavana chennaagi moodibandide.aa naguvina chitradalli mosada chaaye eddu kaanuttide.su.....per

    ReplyDelete

Post a Comment

ಅನ್ಸಿದ್ ಬರೀರಿ

Popular posts from this blog

ನೀನಿಲ್ಲದೆ ನೀರವ ಮೌನ

ಫಸ್ಟ್ ಬೆಂಚ್ ಸುಂದ್ರಿ