ನನ್ನ ಪ್ರವರ

ಬರೆಯುವ ಗೀಳು ಹತ್ತಿದ್ದೇ ಹತ್ತಿದ್ದು ಮಿಕ್ಕ ಕೆಲಸಗಳನ್ನು ಸರಿಯಾಗಿ ಮಾಡುತ್ತಿಲ್ಲವೆಂಬುದು ಮನಸ್ಸಿನ ವ್ಯಥೆ... ಇದ್ದದ್ದನ್ನು ಇದ್ದಹಾಗೆ ಬರೆಯುತ್ತಿರು ಖುಷಿ ಇದೆ

Wednesday, November 17, 2010

ಪಿಸುಮಾತು


ಜಿನುಗುಡುವ ಮಳೆಯಲ್ಲಿ
ಪಿಸುಗುಡುತಿದ್ದಾರೆ ಪ್ರೇಮಿಗಳು
ತಮ್ಮ ಮಾತು ತಮಗೂ ಕೇಳದಂತೆ.

ಅವಳು ತನ್ನೊಡನೆ ತಂದಿದ್ದ
ಕೊಡೆಯು ಮುದುರಿಕೊಂಡು
ಕೂತಿದೆ ಅವರ ಪಕ್ಕದಲ್ಲಿ
ಅವರಂತೆ ನೆನೆದುಕೊಂಡು
ಮಳೆಯಲ್ಲಿ ನಡುಗುತ್ತಿದೆ.

ಮಳೆ ಹನಿಗಳೆಲ್ಲವು
ಜಾರುವಾಟವಾಡುತಿವೆ
ಅವಳ ತಲೆಗೂದಲುಗಳ ಮೇಲೆ
ಯಾವುದರ ಪರಿವೇ ಇಲ್ಲ
ತನ್ನಿನಿಯನ ಭುಜಕೆ ತಲೆಯಾನಿಸಿ
ಪಿಸುಗುಡುತ್ತಿದ್ದಾಳೆ ಹಾಗೆ
ತನ್ನ ಮಾತು ತನಗೂ ಕೇಳಿಸದಂತೆ

3 comments:

  1. ಪ್ರೀತಿಯಲ್ಲಿ ಬಿದ್ದವರಿಗೆ ಪ್ರಪಾತವಾದರೇನು, ಹರಿವ ಝರಿಯಾದರೇನು, ಸುರಿವ ಮಳೆಯಾದರೇನೆ. ಅವರ ಗಮ್ಯ ಪ್ರೇಮಲೋಕದ ಸರೋವರದಲ್ಲಿ ಮಿಂದು ಮೀಯುತ್ತಿರುತ್ತದೆ. ಇದರಿಂದ ವಾಸ್ತವದ ಬಗ್ಗೆ ಅವರು ಚಿಂತಿಸಲಾರರು. ಒಳ್ಳೆಯ ಪ್ರೇಮ ಕವನ ತುಂಬಾ ಚೆನ್ನಾಗಿದೆ ಧನ್ಯವಾದಗಳು...

    ReplyDelete
  2. ಕೊಟ್ಟೂರು.. ಒಳ್ಳೇ ಕವನ ಕೊಟ್ಟೋರು ಅಂತ ಆಗ್ಲೀ :) ಚೆನ್ನಾಗಿದೆ

    ReplyDelete

ಅನ್ಸಿದ್ ಬರೀರಿ