ನನ್ನ ಪ್ರವರ

ಬರೆಯುವ ಗೀಳು ಹತ್ತಿದ್ದೇ ಹತ್ತಿದ್ದು ಮಿಕ್ಕ ಕೆಲಸಗಳನ್ನು ಸರಿಯಾಗಿ ಮಾಡುತ್ತಿಲ್ಲವೆಂಬುದು ಮನಸ್ಸಿನ ವ್ಯಥೆ... ಇದ್ದದ್ದನ್ನು ಇದ್ದಹಾಗೆ ಬರೆಯುತ್ತಿರು ಖುಷಿ ಇದೆ

Monday, June 10, 2013

ಆಕೆಯೊಡೆತನಕ್ಕೆ ಇನ್ನಷ್ಟೂ ಅಮಲು

ವಿರಹಗಳು ಕಣ್ಣುಗಳ 
ರೆಪ್ಪೆಯಂಚಿಗೆ ಕೂತು
ಅಣಕಿಸುತ್ತವೆ; ಕಪ್ಪು ಮಸೂರದ ಹಿಂದೆ
ಮೂಡಿದ್ದೇ ಚಿತ್ರಗಳು, 
ಗದ್ದದಿಂದ ಜಾರುವ ಬೆವರ ಹನಿ
ಮನಸ್ಸನ್ನು ನೇವರಿಸುವ ಬೆರಳು,

ಬಾಯಿ ಒಣಗುತ್ತದೆ
ನಾಲಿಗೆಗೆ ತ್ಯಾಪೆ ಹಚ್ಚುವ ಕೆಲಸ,
ಮಳೆ ಬಂದಿದ್ದರೆ ಮಣ್ಣು ಹಸಿಯಿರಬೇಕು,
ಹಾವ ದೇಹದ ತುಟಿ,
ಸರಿದಾಡುವ ಪರಿಗೆ ಬೆರಗು.
ಕುಹಕವಾಡುವ ಬಾಟಲಿಗಳು ಸದ್ಯ ಖಾಲಿ,
ನಶೆಗೆ ಕುಡಿಯಲೇ ಬೇಕೆಂದಿಲ್ಲ
ಮೈಮೇಲೆ ಜಾರಿ ಬಿದ್ದ
ಬೆವರ ವಾಸನೆಯಿದೆ,
ಆಕೆಯೊಡೆತನಕ್ಕೆ ಇನ್ನಷ್ಟೂ ಅಮಲು.

ಕಣ್ಣು ಮುಚ್ಚುತ್ತಲೇ
ನೀಳ ಕೂದಲು ಮುಖದ ಮೇಲೆ
ಕಚಗುಳಿ ಇಟ್ಟಂತೆ ಭಾಸ; ಕತ್ತಲಿರಬಹುದು
ರಾತ್ರಿಯಿಡೀ ಕಣ್ಣುಗಳು
ವಯಸಿನಡಿಯಾಳು.

ಪರಿಮಿತ ಚಂದಿರ
ಅಪರಿಮಿತ ಕತ್ತಲು
ಪರಿಥಿಗಳ ನಡುವೆ ನಾನು ನರಳುತ್ತೇನೆ,
ಮುಲುಗುತ್ತೇನೆ.

-ಪ್ರವರ ಕೊಟ್ಟೂರು

1 comment:

  1. ಪರಿಮಿತ ಚಂದಿರ... ಅಪರಿಮಿತ ಕತ್ತಲು... Waw... Waw...sweet lines...

    ReplyDelete

ಅನ್ಸಿದ್ ಬರೀರಿ