ದಾರಿ ಮಾಡಿಕೊಡು ಗೋರಿ
ಹೇ ಗೋರಿಯೆ!
ನಾನು ನಿನ್ನೊಡಲ
ಸೇರುವವನಿದ್ದೇನೆ
ಕೊಂಚ ದಾರಿ ಮಾಡಿಕೊಡು.
ನಾ ಹೊದ್ದ ಮಣ್ಣಿನ
ಮೇಲೆ ಬೆಳೆಯಲಿ
ಒಂದಿಷ್ಟು ಹೂವುಗಳು,
ಸ್ವಲ್ಪ ತಡಮಾಡಿದರೂ
ಯಾರಾದರೊಬ್ಬರು
ಬೆಂಕಿ ಇಡುತ್ತಾರೆ
ನನಗೆ ಸುಟ್ಟು ಬೂದಿಯಾಗಲು\
ಇಷ್ಟವಿಲ್ಲ,
ಎದೆಗೂಡಿನಲ್ಲಿಹ ಕನಸುಗಳ
ಚೀರಾಟ ಕೇಳುವಷ್ಟು ಶಕ್ತನಲ್ಲ!
ಮಣ್ಣನಪ್ಪಿ ಮಲಗಬೇಕಿದೆ ನಾನು.
ಆಸೆಗಳಿಗೆ ಜೀವ ಬಂದು
ಚಿಗುರೊಡೆದಾವು,
ಕಿಕ್ಕಿರಿದು ತುಂಬಿರುವ
ಕನಸುಗಳಿಗೆ ರೆಕ್ಕೆ ಬಂದಾವು
ಮತ್ತೆ ಹಾರಿಯಾವು
ದಾರಿ ಮಾಡಿಕೊಡು ಗೋರಿಯೇ
ದಾರಿ ಮಾಡಿಕೊಡು
ನಾನು ನಿನ್ನೊಡಲ
ಸೇರುವವನಿದ್ದೇನೆ
-ಪ್ರವರ
photo by: surya avi
Comments
Post a Comment
ಅನ್ಸಿದ್ ಬರೀರಿ