ಹಿಂಬಾಲಿಸುತಿಹ ಸಾವೆ

ಅಮ್ಮನ ಹೊಟ್ಟೆಯಲಿರುವಾಗಿನಿಂದ
ಹಿಂಬಾಲಿಸುತಿಹ ಸಾವೆ,
ನಾ ಹೆದರಲಾರೆ ನಿನಗೆ
ಯಾಕೆಂದರೆ ನೀನೇ ಗತಿ ತಾನೆ
ಜೀವನದ ಕೊನೆಗೆ......

ಮೌನ ಮಜ್ಜನದ ಎರಕ,
ಸಾವೆ ನಾ ನೂಲು, ನೀ ಚರಕ,
ಘಾಸಿಗೊಂಡವರದೆಲ್ಲ ಎರಡು
ದಿನದ ಮರುಕ,

ಒಮ್ಮೊಮ್ಮೆ ನೀ ಕಪ್ಪು,
ಇನ್ನೊಮ್ಮೆ ನೀ ಬೆಳಕು,
ರೌದ್ರವತೆಯ ಹೊತ್ತ
ಸಾವೆ ಕೆಲವೊಮ್ಮೆ ಕೆಂಪಾದೆಯ,
ರಕುತದೊಕುಳಿಯಾಡಿ ತಂಪಾದೆಯ

ಜ್ವಾಲಾಮುಖಿಯ
ಲಾವದಂತಾಗದಿರು ಸಾವೆ,
ಚಿತೆಗೂ ನಿಲಕದಂತಾದೀತು
ನನ ದೇಹ,
ಮಣ್ಣಿಗೂ ಸೇರದಂತಾದೀತು.

ಹಿಂಬಾಲಿಸು ಸಾವೆ ನನ್ನ
ಅಳುತಿಹ ಕಂದನ ಕಣ್ಣೊಳಗಿನ
ನೀರಂತೆ,
ಹುಲಿಗುಡ್ಡದಲಿ ಕೂತಾಗ ಬೀಸಿದ
ತಣ್ಣನೆಯ ಗಾಳಿಯಂತೆ,

ಹಿಂಬಾಲಿಸುತಿಹ ಸಾವೇ.............