ನನ್ನಪ್ಪ

ನಾನು ಹುಟ್ಟಿದೊಡನೆ
ಮೊದಲು ಖುಷಿಯ ಪಟ್ಟವನು
ನನ್ನಪ್ಪ.....
ಅಮ್ಮನಿಗಿಂತ ಮೊದಲು
ಮುತ್ತು ಕೊಟ್ಟವ,
ನನಗೆ ನಡಿಗೆಯ
ಕಲಿಸಲು ಮೊದಲ
ಗುರುವಾದಾತ...
ನನ್ನ ರಾಜನ ಮಾಡುವ
ಸಲುವಾಗಿ ತಾನು
ಆನೆಯಾದಾತ,
ನನ್ನ ಜೀವದಾತ......
ಗುಂಗುರು ಕೂದಲುಗಳು
ಕಣ್ಣುಗಳ ಸೋಕಿ
ರೆಪ್ಪೆಗಳು ಮುಚ್ಚುವಾಗ
ಉಫ್ ಎಂದು ಉರುವಿ
ತಂಗಾಳಿಯ ಬೀಸಿದಾತ....
ಅಮ್ಮ ಅಡುಗೆ
ಮಾಡುವಾಗ ತನ್ನ ಕಾಲ್ಗಳ
ಮೇಲೆ ನನ್ನ ಕಾಲ್ಗಳನಿರಿಸಿ
ಆಟವಾಡಿಸಿದಾತ...
ಅಮ್ಮ ಮೊದಲ ಗುರುವಾದರೆ
ಅಪ್ಪ ಮೊದಲ ಸ್ನೇಹಿತ....