ನಾನು ಮತ್ತು ನಲ್ಲೆಯ ನಗುವೂ
ನಿನ್ನ ನಗೆಯ ಬುಗ್ಗೆಯಲ್ಲೇ
ತೇಲಿಸುವೆ ಸುಮ್ಮನೇ
ಪ್ರೀತಿಯೆಂಬ ಘಮದಲ್ಲೇ
ಅರಳಿಸಿರುವೆ ನನ್ನನೆ
ಕೋಟಿ ಕೋಟಿ ಕನಸುಗಳ
ಕೋಟೆಯನ್ನೇ ಕಟ್ಟಿಹೆ
ನಿನ್ನ ಒಲವು ತಾನೆ ನನಗೆ
ಗಟ್ಟಿಯಾದ ಇಟ್ಟಿಗೆ
ಖುಷಿಯೆಂಬ ನೂರು ಹೂವು
ಅರಳಿರುವವು ವನದಲಿ
ನಿನ್ನ ಮೊಗದ ಚಿತ್ರವೊಂದೆ
ನನ್ನ ಈ ಮನದಲಿ
ನೀನಿಲ್ಲದೆ ನೀರವ ಮೌನ
ಹೇ ಹುಡುಗಿ ನನ್ನ ಬಳಿ ನೀ ಬಿಟ್ಟು ಹೋದ ನೆನಪುಗಳಿಗೀಗ ರೆಕ್ಕೆ ಬಂದಿವೆ ಹಾರಲು ಹಾತೊರೆಯುತ್ತಿವೆ, ಇದುವರೆಗೂ ಕೂತು ಕಣ್ಣು ಬಿಡುತಿದ್ದವು ಗೂಬೆಗಳ ಹಾಗೆ, ಸತ್ತ ಕನಸುಗಳಿಹ ನನ್ನೆದೆ ಸುಡುಗಾಡಲ್ಲದೆ ಮತ್ತೇನು, ಒಡೆದ ಮಡಿಕೆಗಳ ಪುರಾವೆ ಬೇರೆ!!! ರಾತ್ರಿಗಳ ಕಾಡುತ್ತಿವೆ ವಿರಹವೆಂಬ ಪ್ರೇತಗಳು..... ತುಂಟ ಮಾತುಗಳು ಪಿಸುಗುಡುತಿದ್ದ ಕಿವಿಯಲ್ಲಿ ತುಸು ಮೌನ ಏನೋ ನಿರಾಳ, ಮತ್ತೆ ನೀನಿಲ್ಲದ ನನ್ನ ನೆರಳಿಗೆ ಸೂತಕದ ಛಾಯೆ -ಪ್ರವರ
Comments
Post a Comment
ಅನ್ಸಿದ್ ಬರೀರಿ